Խոսելով ԱԺ-ի նախաձեռնության մասին՝ Գենյա Պետրոսյանը նշել է. «Գործընթացը նախաձեռնելու հիմնական նպատակը և իմաստն այն էր, որ հարցերը, որոնք վերաբերում էին Հրայր Թովմասյանի անաչառությանը առնչվող կասկածին, առհասարակ քննարկման առարկա չէին դարձել Սահմանադրական դատարանում։ Իսկ նախագծում հիմնական շեշտը հենց դրա վրա է դրված։ Մինչդեռ, շարունակաբար այդ հարցը բարձրացվել է և ոչ մի արձագանք դրան չի տրվել ո՛չ աշխատակարգային որոշմամբ, ո՛չ վերջնական որոշմամբ։ Հենց այս ամենն ավելի է ամրապնդում կասկածը, որ ՍԴ-ն պարզապես խուսափել է նշված հարցի քննարկումից»։
Լրագրողի դիտարկմանը, թե այդ ճանապարհի ձախողման դեպքում ուրիշ ինչ հնարավոր ճանապարհներ կարող են ընտրվել, Պետրոսյանը պատասխանել է. «Այլ ճանապարհներ կարող են ընտրվել, պարզապես հիմքերն են տարբեր լինելու։ Այն գործընթացը, որը սկսել է Ազգային ժողովը, ուղղված է ոչ թե սահմանադրական ճգնաժամի հարցի լուծմանը, որը բարձրաձայնվել էր ամիսներ առաջ ՍԴ դատավորի կողմից, այլ կոնկրետ դեպքով, կոնկրետ գործի քննության ընթացքում կոնկրետ դատավորի կողմից թույլ տրված էական կարգապահական խախտմանը։ Դրանք միանշանակ տարբեր իրավական գործընթացներ են և պետք չէ միմյանց հետ փոխկապակցել»։
Պետրոսյանի կարծիքով՝ այս գործընթացի ելքը միանշանակ չի կարող կապ ունենալ այլ գործընթացների հետ, որոնք առաջիկայում կարող են նախաձեռնվել:
Ամբողջական նյութն՝ այստեղ: