Հայտարարություն ԲՀՀ-Հայաստանի դեմ իրականացվող հարձակումների մասին

30.09.2019

ԲՀՀ – Հայաստանը՝ 1997թ. ձևավորման օրվանից սատարել է իրավապաշտպան և ժողովրդավարական գործընթացները Հայաստանում՝ աջակցելով մարդու հիմնարար իրավունքների պաշտպանությանը, ազատ և արդար ընտրությունների կայացմանը, մատչելի կրթությանը, առողջապահությանը, իրավունքի գերակայությանը, կոռուպցիայի և անպատժելիության դեմ պայքարին: Եվ ակնհայտ է, որ ներկայում ԲՀՀ-Հայաստանին թիրախավորած անձինք փաստացի հրապարակային հարձակում են իրականացնում ժողովրդավարության ու մարդու իրավունքների արժեքների դեմ՝ բացի ԲՀԻ Հայաստանի գրասենյակից, թիրախավորելով նաև այդ արժեքներին դավանող քաղաքացիական հասարակության մյուս միավորումներին:

Նաև աներկբա է, որ հարձակումները կազմակերպված հրահրվում և իրականացվում են այն մարդկանց կողմից, ում պաշտոնավարման ժամանակ ոտնահարվել են հազարավոր քաղաքացիների արդար դատաքննության իրավունքը, տասնյակ հազարավոր երեխաների կրթության իրավունքը, հարյուր հազարավոր աշխատավորների աշխատանքային իրավունքը, իսկ հիմա նրանք պայքար են ծավալում ժողովրդավարական հեղափոխության արժեքների և հեղափոխական իշխանությունների դեմ՝ վերջիններիս վերաբերյալ տարածելով խեղաթյուրված ու սուտ տեղեկություններ և պիտակավորելով իբր «միջազգային գործակալներ»՝ օգտվելով հանրության շրջանում իրենց իսկ կողմից արմատավորվող նախապաշարմունքներից:

Ցավով արձանագրում ենք, որ «Վետո» խմբակի ակցիաներին զուգահեռ ՀՀ ոստիկանության ներկայությունը տարածքում ապահովելուց բացի Հայաստանի Հանրապետության իշխանությունները չեն ձեռնարկում որևէ քայլ՝ ապահովելու Հայաստանում գրանցված և օրինական գործունեություն ծավալող կազմակերպության գործունությունը: Իր դրսևորած անգործությամբ այն փաստացի ձախողում է Հայաստանի Հանրապետության Սահմանադրության համաձայն մարդու և քաղաքացու հիմնական իրավունքների և ազատությունների հարգումն ու պաշտպանությունը (հոդված 3, մաս 2) և, այդպիսով, խրախուսելով ատելության հիմքով բռնության հետագա տարածումը և անպատժելիության մթնոլորտի ձևավորումը: Հետագա անգործությունը անթույլատրելի է և կարող է հանգեցնել անկանխատեսելի հետեւանքների:

 

Հարկ ենք համարում նկատել, որ Բաց հասարակության հիմնադրամներ - Հայաստանի գրասենյակն արգելափակվում և հարձակումների են ենթարկվում աշխարհի միայն հատուկենտ երկրներում, որտեղ տիրում կամ հաստատվում է բռնապետական կամ ավտորիտար ռեժիմները:

Հուսով ենք, որ ՀՀ կառավարության կողմից դրսևորվող անտարբերությունը և գնահատականի բացակայությունը չի նշանակում դեպի բռնապետություն գնալու միտում:

«Վետո» խմբակի գործողությունները չեն կարող պաշտպանված լինել ժողովրդավարական պետության չափանիշներով, քանի որ դրանք իրենց բովանդակությամբ ոտնահարում են ժողովրդավարական պետության կողմից պաշտպանվող արժեքները, խրախուսում են խտրականությունը, հանգեցնում են Հայաստանի Հանրապետության սահմանադրությամբ ամրագրված մի շարք իրավունքների ոտնահարման, մասնավորապես՝

արժանապատվությունը, որը մարդու իրավունքների և ազատությունների անքակտելի հիմքն է (hոդված 3), հոգեկան անձեռնմխելության իրավունքը (hոդված 25), մասնավոր կյանքի, պատվի ու բարի համբավի անձեռնմխելիության իրավունքը (hոդված 31), ազատ գործելու իրավունքը (hոդված 39), ազատ տեղաշարժվելու իրավունքը (hոդված 40),միավորումների ազատությունը (hոդված 45):

Պահանջում ենք՝

Հայաստանի Հանրապետության ոստիկանությունից՝ անհապաղ միջոցներ ձեռնարկել՝ վերացնելու ԲՀՀ-Հայաստանի գրասենյակի և նրա աշխատակիցների դեմ ոտնձգությունները, ապահովելով Հայաստանի Հանրապետության քաղաքացիների իրավունքների պաշտպանությունը,

Հայաստանի Հանրապետության Մարդու իրավունքների պաշտպանից՝ անհապաղ հանդես գալ «Վետո» խմբակի գործունեության արդյունքում մարդու իրավունքների ոտնահարումների վերաբերյալ պաշտոնական դիրքորոշմամբ,

Հայաստանի Հանրապետության կրթության, գիտության, մշակույթի և սպորտի նախարարից՝ ներկայացնել իր գնահատականը 2019թ. սեպտեմբերի 25-ին ուսուցիչների վերը նշված իրավունքների ոտնահարումների վերաբերյալ.

Հայաստանի Հանրապետության Ազգային ժողովի մարդու իրավունքների պաշտպանության և հանրային հարցերի մշտական հանձնաժողովից՝ հանդես գալ միավորումների ազատության պաշտպանության առնչությամբ պետության պարտավորության իրականացման վերաբերյալ գնահատականով և հանդես գալ ատելության խոսքի տարածումը սահմանափակող և պատժամիջոցներ նախատեսող իրավակարգավորումների մասին օրենսդրական նախաձեռնությամբ:

Հելսինկյան քաղաքացիական ասամբլեայի Վանաձորի գրասենյակ

Թրանսփարենսի Ինթերնեշնլ հակակոռուպցիոն կենտրոն

Ժուռնալիստների «Ասպարեզ» ակումբ

«Հանուն հավասար իրավունքների» ՀԿ

Իրավունքի զարգացման և պաշտպանության հիմնադրամ

Իրազեկ քաղաքացիների միավորում ՀԿ

Հայ առաջադեմ երիտասարդություն ՀԿ

Հանրային լրագրության ակումբ

«ԷկոԼուր» տեղեկատվական ՀԿ

«Գլոբալիզացիայի և տարածաշրջանային համագործակցության վերլուծական կենտրոն» ՀԿ

«Վելես» իրավապաշտպան ՀԿ

«Խորան Արդ» ինտելեկտուալ կենտրոն ՀԿ

Հանրային քաղաքականության հետազոտությունների ազգային կենտրոն ՀԿ

Անմեղության հայկական ծրագիր

«Խաղաղության երկխոսություն» ՀԿ

«Սոսե Կանանց Հիմնահարցեր» ՀԿ

Հայաստանի Հելսինկյան կոմիտե

Հանրային քաղաքականության ինստիտուտ

«Իրավունքների պաշտպանություն առանց սահմանների» ՀԿ

«Ռեստարտ» ուսանողական-քաղաքացիական նախաձեռնություն

«Հելսինկյան ասոցիացիա» իրավապաշտպան ՀԿ

«Իրական աշխարհ, իրական մարդիկ» ՀԿ

«Նոր սերունդ» մարդասիրական ՀԿ

«Հետաքննող լրագրողներ» ՀԿ

Լուկաշինի գյուղատնտեսական ասոցիացիա ՍԿ

«Փինք» իրավապաշտպան ՀԿ

Ներբեռնել

Հայաստանն ընդդեմ Ադրբեջանի միջպետական գանգատներից հրաժարվելու անթույլատրելիության վերաբերյալ

18.03.2024
Միջպետական գանգատներից հրաժարվելու վերաբերյալ ՀՀ գործադիր և օրենսդիր մարմինների ղեկավարների կողմից արտահայտած դիրքորոշումները խիստ մտահոգիչ են, որևէ պայմաններում անընդունելի, և ներքոստորոգրյալ հասարակական կազմակերպությունները պահանջում են Հայաստանի Հանրապետության Կառավարությունից որևէ պայմաններում և հանգամանքներում չհրաժարվել Ադրբեջանի դեմ ներկայացված միջպետական դատական գանգատներից և՛ Մարդու իրավունքների եվրոպական դատարանում (ՄԻԵԴ), և՛ ՄԱԿ Արդարադատության միջազգային դատարանում։

ՔՀԿ-ները պահանջում են ոստիկանական բարեփոխումներին ուղղված խորհրդարանական լսումներ՝ ՆԳ նախարարի մասնակցությամբ

14.02.2024
Հայաստանյան մի շարք ՔՀԿ-ներ նախատեսում են կոչ-պահանջագիր ներկայացնել ՀՀ Ազգային ժողով՝ Ներքին գործերի նախարարի մասնակցությամբ խորհրդարանական լսումներ անցկացնելու նպատակով։ Հասարակական կազմակերպությունները խորը մտահոգություն են հայտնում ոստիկանության բարեփոխումների վիճակի և առանցքային խնդիրների լուծման բավարար առաջընթացի բացակայության վերաբերյալ։

Անհապաղ ազատ արձակել Ադրբեջանի ձերբակալած հայերին. ՀԿ-ների հայտարարությունը

13.10.2023
2023 թվականի սեպտեմբերի 19-ին Ադրբեջանի կողմից Լեռնային Ղարաբաղի դեմ սանձազերծված ռազմական ագրեսիան հաջորդեց Լեռնային Ղարաբաղի տասնամսյա շրջափակման հետեւանքով առաջացած հումանիտար աղետին։ Այս ագրեսիան ակնհայտորեն միտված էր էթնիկ հայերի վերջնական տեղահանմանը։ Այնուհետեւ, հաշված օրերի ընթացքում ավելի քան 100 600 անձ ստիպված եղավ լքել իր տունը եւ ապաստանել Հայաստանում, ինչի արդյունքում Լեռնային Ղարաբաղի տարածքը ենթարկվեց վերջնական էթնիկ զտման։

Կանգնեցնել Ադրբեջանի կողմից Լեռնային Ղարաբաղի դեմ ցեղասպանությունը․ ՔՀԿ-ների հայտարարությունը

19.09.2023
Պաշտպանության նախարարությունը պաշտոնապես հայտարարեց Լեռնային Ղարաբաղում այսպես կոչված հակաահաբեկչական գործողություն սկսելու մասին։ Այս պահին Շուշի քաղաքից ռմբակոծվում է Լեռնային Ղարաբաղի  մայրաքաղաք Ստեփանակերտը։ Սույն հայտարարությամբ հայաստանյան ՔՀԿ-ները դիմում են բոլոր միջազգային կառույցներին, կազմակերպություններին ու պետություններին, որոնց համար  որևէ նշանակություն ունի մարդու իրավունքները և մարդու անվտանգությունը․  Ո՛չ միայն դատապարտել Ալիևի բռնապետական ռեժիմի կողմից իրականացվող հրեշավոր գործողությունը, այլև՛ հստակ քայլեր ձեռնարկել՝ կանխելու Լեռնային Ղարաբաղի հայերի ցեղասպանությունը։

ՀԿ-ՆԵՐԻ ԿԱՐԾԻՔԸ ՀԱՆՐԱՅԻՆ ԽՈՐՀՐԴԻՆ ԿԻՑ ՓԱՍՏԱՀԱՎԱՔ ՀԱՆՁՆԱԺՈՂՈՎ ՍՏԵՂԾԵԼՈՒ ՕՐԵՆՍԴՐԱԿԱՆ ՆԱԽԱՁԵՌՆՈՒԹՅԱՆ ՎԵՐԱԲԵՐՅԱԼ

11.09.2023
Ս․թ․ օգոստոսի 22-ին ՀՀ արդարադատության նախարարության կողմից e-draft.am հարթակում հրապարակվել է «Հանրային խորհրդի մասին» Հայաստանի Հանրապետության օրենքում լրացումներ կատարելու մասին օրենքի նախագիծ (այսուհետ՝ Նախագիծ)։ Սույն Նախագծով նախատեսվում է ՀՀ հանրային խորհրդին կից ստեղծել Փաստահավաք հանձնաժողով, որը պետք է ուսումնասիրի 1991թ․ սեպտեմբերի 21-ից մինչև 2022թ․ ներառյալ ժամանակահատվածի իրադարձությունների և դեպքերի շրջանակում կամ դրանց հետևանքով տեղի ունեցած մարդու իրավունքների հիմնարար և պարբերական խախտումները, նպաստի հնարավոր խախտումների կանխարգելմանը, կրկնության բացառմանը, հասարակության սոցիալական վերափոխմանը, սոցիալական արդարության վերականգնմանը, հաշտեցմանը, խախտումներից և իրադարձություններից տուժած կամ դրանց բացասական հետևանքները այլ կերպ կրած անձանց իրավունքների ճանաչմանը, վերականգնմանը և պաշտպանությանը:

Անհապաղ միջամտության մասին դիմում ՄԱԿ-ի գլխավոր քարտուղարին

26.07.2023
Քաղաքացիական հասարակության ներքոստորագրյալ կազմակերպությունները կոչով դիմում են ՄԱԿ-ի գլխավոր քարտուղար Անտոնիու Գուտեռեշին` պայմանավորված Լեռնային Ղարաբաղում (Արցախում) Լաչինի միջանցքի ամբողջական շրջափակման արդյունքում մարդու իրավունքների շուրջ ստեղծված արտակարգ իրավիճակով։ Այս իրավիճակը ոչ այլ ինչ է, եթե ոչ էթնիկ զտման բացահայտ փորձ, քանի որ Լաչինի միջանցքը Լեռնային Ղարաբաղում (Արցախում) բնակվող հայ բնակչությանը Հայաստանի Հանրապետության, այդ թվում՝ արտաքին աշխարհի հետ կապող միակ փրկօղակն է։

Դատապարտում ենք քաղաքացիների հանդեպ ոստիկանության բռնությունները

03.07.2023
Հայաստանի Հանրապետության կառավարության կողմից հայտարարված դատաիրավական ու ոստիկանական բարեփոխումներին զուգահեռ, ոստիկանության ու իրավապահ այլ մարմինների կողմից քաղաքացիների նկատմամբ բռնությունների դեպքերի կտրուկ աճը որևէ հիմք չի տալիս պնդելու հայտարարված բարեփոխումների արդյունավետության մասին։ Ներքոստորագրյալ հասարակական կազմակերպությունները դատապարտում են վերջին ամիսներին աննախադեպ ծավալների հասած բռնություններն ու խոշտանգումները  ոստիկանության բաժիններում և իրավապահ այլ մարմիններում:

Ոստիկանության գործողությունները պետք է քննվեն

29.04.2023
ՀԿ-ներն անդրադարձել են վերջերս տեղի ունեցած դեպքերի ընթացքում ոստիկանության վարքագծին` պատկան մարմիններից պահանջելով քննել դրանք «Պոլիգրաֆ» տեխնոակումբի և կինոռեժիսոր Կարեն Հակոբյանի բարձրաձայնած տեղեկությունների համատեքստում։

ՀԿ-ները դատապարտում են Ալեն Սիմոնյանի պահվածքը

05.04.2023
ՀԿ-ները խստորեն դատապարտում են ԱԺ նախագահ Ալեն Սիմոնյանի պահվածքը և պահանջում Ազգային Ժողովի պատգամավորներից և հատկապես քաղաքական մեծամասնությունից ջանքեր գործադրել բացառելու հանրային պաշտոնյաների՝ իրավական պետության արժեքներին անհարիր, ցինիկ և անպատասխանատու վարքագիծը:

Հայտարարություն՝ ի աջակցություն Վրաստանի քաղաքացիական հասարակության և տարածաշրջանում ժողովրդավարական գործընթացների

09.03.2023
Սույն թվականի մարտի 7-ին Վրաստանի մայրաքաղաք Թբիլիսիում տեղի է ունեցել մասշտաբային բողոքի խաղաղ ակցիա, որն անցկացվում էր, այսպես կոչված, «Ռուսական օրենքի» ընդունման դեմ։ Չնայած մի շարք միջազգային կազմակերպությունների և հարևան երկրի քաղաքացիական հասարակության այդ օրենքի վերաբերյալ բացասական գնահատականի՝ Վրաստանի խորհրդարանն, այդուամենայնիվ, առաջին ընթերցմամբ ընդունեց «Օտարերկրյա գործակալների մասին» վիճահարույց օրենքը։