Հունիսի 29-ին տեղի ունեցավ ԻԶՊՀ-ի «Մեղադրյալի՝ իր դեմ ցուցմունք տված անձին հակընդդեմ հարցման ենթարկելու իրավունքի իրացման հիմնախնդիրները» մասնագիտական քննարկումը։
ՀՀ ոստիկանության, դատախազության, քննչական կոմիտեի, հակակոռուպցիոն կոմիտեի, Միջազգային իրավական հարցերով ՀՀ ներկայացուցչի գրասենյակի և գործընկեր կազմակերպությունների ներկայացուցիչների հետ քննարկեցինք վկաներին հարկադրաբար դատարան ներկայացնելու, բերման ենթարկելու խնդիրները, անդրադարձանք արտասահմանում գտնվող վկաներին դատարան ներկայացնելու խնդրին, այդ թվում՝ տեսակապով հարցաքննությանը և վերաբերելի միջազգային պայմանագրերի կիրառմանը։
Նշված թեմաներին առնչվող խնդիրները վեր էինք հանել «ՄԻԵԴ վճիռների կատարման վերլուծություն. արդար դատաքննության իրավունք» հետազոտությամբ, որն իրականացրել ենք Եվրասիա համագործակցություն հիմնադրամի «Աջակցություն դատաիրավական բարեփոխումներին» ծրագրի շրջանակներում։
