Ներկայացվեց «Մարդու իրավունքների խախտումներն Արցախյան 44-օրյա պատերազմի ընթացքում» փաստահավաք զեկույցը

16.12.2021

Միջոցառման ժամանակ ներկայացվեցին փաստեր Արցախի բնակչության կյանքի, առողջության, անձնական և ընտանեկան կյանքը հարգելու իրավունքի, սեփականության իրավունքների խախտումների, խոշտանգման և վատ վերաբերմունքի արգելքի, ինչպես նաև շրջակա միջավայրի, մշակութային ժառանգության դեմ հանցագործությունների, լրագրողների թիրախավորման, վարձկանների ներգրավման, պատերազմի վարման արգելված միջոցներ և մեթոդներ կիրառելու մասին։

Զեկույցում ներկայացված ապացույցները հիմնվում են տեղեկատվության բազմաթիվ աղբյուրների տվյալների մանրակրկիտ հավաքման և վերլուծության վրա։ Այս աշխատանքների շրջանակում փաստահավաք խումբն այցելել է Արցախ, տեղում փաստագրել ավերվածությունները և մարդու իրավունքների խախտումները։ Հանդիպումներ են եղել ընդհանուր թվով 879 վկայի հետ, ուսումնասիրվել են բռնությունների արդեն իսկ հաղորդված և դեռ չհաղորդված դեպքերը:

Զեկույցում ներկայացված են քաղհասարակության կազմակերպությունների առաջարկությունները՝ հասցեագրված ՀՀ Կառավարությանը, ՀՀ Ազգային ժողովին, ՄԱԿ-ին, Եվրոպայի Խորհրդին, ԵԱՀԿ-ին, Եվրոպական միությանը, միջազգային և տարածաշրջանային այլ կազմակերպություններին և առանձին պետություններին։ Զեկույցը հեղինակած կազմակերպությունները նպատակ ունեն տարածել փաստահավաք զեկույցը միջազգային իրավապաշտպան հարթակներում՝ նպաստելու Ադրբեջանի հանդեպ իրավական գործընթացի շարունակությանը։

Միջոցառման մանրամասներին ամբողջությամբ ծանոթանալու համար ներբեռնեք մամուլի հաղորդագրությունը։

Ներբեռնել

Տեղի ունեցավ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողովը

22.12.2022
Դեկտեմբերի 19-ին տեղի ունեցավ ԻԶՊՀ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողովը, որի նպատակն էր ամփոփել «Մարդու իրավունքների եվրոպական կոնվենցիայի 8-րդ հոդվածի խախտում արձանագրած ՄԻԵԴ վճիռների ուսումնասիրություն» ծրագրի շրջանակում վեր հանված խնդիրները և ուրվագծվող լուծումները։ Ազգային և միջազգային փորձագետները ներկայացրին ու քննարկեցին ոլորտի հիմնական խնդիրները և հնարավոր արդյունավետ լուծումները։

Քննարկում գաղտնի վերահսկողության միջոցների, դատական և արտաքին վերահսկողությանն առնչվող խնդիրների մասին

05.12.2022
Դեկտեմբերի 2-ին տեղի ունեցավ ԻԶՊՀ-ի «Գաղտնի վերահսկողության միջոցներ․ դատական և արտաքին վերահսկողությանն առնչվող խնդիրներ» խորագրով աշխատանքային քննարկումը, որի ընթացքում քննարկվեցին գաղտնի վերահսկողության միջոցները թուլատրելիս դատարանի իրավասության շրջանակը, դրա որոշման բովանդակությունը և հրատապ դեպքերը, ինչպես նաև անդրադարձ կատարվեց միջազգային փորձին և անկախ վերահսկողության հնարավորություններին։

44-օրյա պատերազմի և Ադրբեջանի շարունակվող ագրեսիայի հետևանքները քննարկվել են Վարշավայում

10.10.2022
ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) Մարդկային չափման հարցերով համաժողովի (Human Dimension Conference) շրջանակում հոկտեմբերի 6-ին Վարշավայում կայացել է «Մարդու իրավունքները և մարդասիրական հիմնախնդիրները 2020թ․-ի Արցախյան պատերազմից հետո» թեմայով քննարկումը։

Մասնագիտական քննարկում իրավապահ համակարգի ներկայացուցիչների հետ

30.06.2022
Հունիսի 29-ին տեղի ունեցավ ԻԶՊՀ-ի «Մեղադրյալի՝ իր դեմ ցուցմունք տված անձին հակընդդեմ հարցման ենթարկելու իրավունքի իրացման հիմնախնդիրները» մասնագիտական քննարկումը։

Տեղի ունեցավ «ՄԻԵԴ վճիռների կատարումը՝ որպես արդար դատաքննության իրավունքի երաշխիք» աշխատաժողովը

08.06.2022
Հունիսի 7-ին Երևանում տեղի ունեցավ ԻԶՊՀ աշխատաժողովը՝ «ՄԻԵԴ վճիռների կատարումը՝ որպես արդար դատաքննության իրավունքի երաշխիք» թեմայով։

Ներկայացվեց «Մարդու իրավունքների խախտումներն Արցախյան 44-օրյա պատերազմի ընթացքում» փաստահավաք զեկույցը

16.12.2021
2021 թ․-ի դեկտեմբերի 17-ին Բաց հասարակության հիմնադրամներ – Հայաստանը, Հելսինկյան քաղաքացիական ասամբլեայի Վանաձորի գրասենյակը, Իրավունքի զարգացման և պաշտպանության հիմնադրամը և «Իրավունքների պաշտպանություն առանց սահմանների» հասարակական կազմակերպությունը ներկայացրին «Մարդու իրավունքների խախտումներն Արցախյան 44-օրյա պատերազմի ընթացքում» փաստահավաք զեկույցը։

Կարողությունների զարգացման դասընթաց

14.12.2021
Մի դրվագ Իրավունքի զարգացման և պաշտպանության հիմնադրամի կարողությունների զարգացման գործընթացից, որ սկսեցինք 2021-ին՝ Ժողովրդավարության եվրոպական հիմնադրամի աջակցությամբ։

Քննարկում աշխատանքային իրավունքի մասին

25.10.2021
Հոկտեմբերի 25-ին տեղի ունեցավ «Աշխատանքային իրավահարաբերություններ և օրենսդրություն․ խնդիրներ և լուծումներ» թեմայով առցանց քննարկումը, որի ընթացքում ներկայացրինք աշխատանքային իրավունքին առնչվող մեր հետազոտության արդյունքները։

ՄԻԵԴ վճիռների կատարման խնդիրներ․ մասնագիտական քննարկում

21.04.2021
Ապրիլի 14-ին տեղի ունեցավ մեր հետազոտության մասնագիտական քննարկումը։ Այն վերաբերում է Հայաստանի Հանրապետության նկատմամբ Մարդու իրավունքների եվրոպական դատարանի կայացրած վճիռների կատարմանն առնչվող հիմնական խնդիրներին։

Տեղեկատվության ազատության ոլորտ․ բարեփոխման անհրաժեշտություն

20.07.2020
Հուլիսի 20-ին «Մեդիա կենտրոն»-ում ԻԶՊՀ-ն ներկայացրել է տեղեկատվության ազատության ոլորտում կատարած ուսումնասիրության արդյունքները, հիմնական եզրակացություններն ու առաջարկները։