Քննարկում Կոնդի օտարման շուրջ

14.03.2024

Մարտի 14-ին Գենյա Պետրոսյանը իրավաբան Արսեն Թավադյանի և Կոնդ թաղամասի բնակիչ Նաիրա Երեմյանի հետ Մեդիա կենտրոնում մասնակցել է «Կոնդ․ որտե՞ղ է հանրային գերակա շահը» թեմայով քննարկմանը։

Պետրոսյանը զուգահեռներ է տարելի Ֆիրդուսի և Կոնդի դեպքերի միջև՝ մատնանշելով Ֆիրդուսի բնակիչների սեփականության օտարման գործընթացում տեղի ունեցած խախտումները։ Պատասխանելով հարցին, թե Կոնդում կլինի Հյուսիսային պողոտա 2, թե ոչ, կամ շահել են արդյոք ֆիրդուսցիները, նա նշել է, որ դա կախված է գործընթացից։ Օրինակ՝ Ֆիրդուսի դեպքում գործնականում տեղի է ունեցել գնահատման գործընթացի պահանջների խախտում. «Խոսքն այն աստիճան կոպիտ խախտումների մասին է, որոնք հանգեցնում են գնահատման հաշվետվությունները որպես գնահատման հաշվետվություն օգտագործելու արգելքին»։ Մասնավորապես գնահատող կազմակերպությունները չեն կատարել գույքի տեղազննում, այլ օգտվել են հիմնականում տասնյակ տարիներ առաջ կազմված նկարագրական արձանագրություններից, որոնց նպատակը ոչ թե գույքը գնահատելն էլ, այլ դրա վիճակի բարելավումը արձանագրելը։

Անդրադառնալով Կոնդի իրավական գործընթացին՝ Պետրոսյանը ասել է, որ այստեղ ևս կան խնդրահարույց հարցեր. առաջին որոշումը ընդունվել է 2007 թ.-ին, երկրորդը՝ 2009 թ.-ին։ Անգամ կա 2012 թ.-ին ընդունված որոշում, որով Կառավարության որոշումը օրենքի ուժով համարվել էր անվավեր, քանի որ օտարումը սահմանված ժամկետում չէր կատարվել։ Այդպիսով, երրորդ որոշմամբ գույքը վերադարձվեց սեփականատերերին, քանի որ թեև կառուցապատողը վերցրել էր դրանք, սակայն դեռևս չէր օտարել։

Ասուլիսի ընթացքում քննարկվել է նաև այն հարցը, թե Կոնդ թաղամասի օտարումը կարող է հող նախապատրաստել ՄԻԵԴ դիմումների համար։ Ըստ Պետրոսյանի՝ կարելի է առանձնացնել երկու առանցքային խնդիրների առնչվող ՄԻԵԴ գործեր։

Առաջին խումբ գործերը վերաբերում են մինչև 2006 թ.-ը «Հասարակության և պետության կարիքների համար սեփականության մասին» օրենքի ընդունումը կայացված որոշումներին, երկրորդ խումբ գործերով որոշումները կայացվել են օրենքի ընդունումից հետո։ Առաջին դեպքում օրենքի հիման վրա սեփականության օտարման Կոնվենցիայի պահանջը չի պահպանվել, որովհետև օրենք չի եղել. «Մեր Սահմանադրությամբ նախատեսված է եղել օրենքի հիման վրա սեփականության օտարում, սակայն Կառավարության որոշման հիման վրա է տեղի ունեցել»։ Երկրորդ խումբ գործերով քաղաքացիները վիճարկել են իրենց տրամադրված փոխհատուցման համարժեքությունը։ ՄԻԵԴ որոշումներից պարզ է դառնում, որ նույնիսկ շուկայական արժեքը և դրան ավելացված 15% արժեքը կարող են համարվել անհամարժեք։

Պետրոսյանը նաև արձանագրել է, որ այս ՄԻԵԴ որոշումը իր ազդեցությունը չի թողել պրակտիկայի վրա. «Ենթադրվում էր, որ օրենքում պետք է կատարվեն փոփոխություններ՝ ավելացնելով հավելյալ փոխհատուցումը ներառող բաղադրիչները, որպեսզի համարժեքությունը որոշելիս նկատի ունենան նաև այդ հանգամանքները։ 2021 թ.-ին նախագիծ շրջանառվեց՝ նախատեսելով անգամ ավելի լայն շրջանակ (ձեռնարկատիրական գործունեության ընդհատում, օտարման արդյունքում առաջացած հավելյալ ծախսեր և այլն), սակայն մինչ օրս որևէ առաջխաղացում չունենք»։

Խոսելով խնդրահարույց դատական պրակտիկայի մասին՝ Պետրոսյանը  ուշադրություն է հրավիրել այն փաստի վրա, որ արդեն մի քանի տարի է, ինչ Ֆիրդուսի թաղամասին առնչվող Կառավարության թիվ 232-Ն որոշումը վիճարկվում է Վարչական դատարանում, սակայն դեռևս չկա որոշում. «Սա բավականին մտահոգիչ խնդիր է։ Այսինքն՝ կա որոշում, որի հիման վրա փաստացի կատարվում է օտարման գործընթաց, և արդեն մեծ մասամբ իրականացվել է։ Միևնույն ժամանակ այն որոշումը, որով այդ տարածքը ճանաչվել է հանրային գերակա շահ, վիճարկման փուլում է»։ Այսինքն՝ եթե որոշվի, որ որոշումն անվավեր է, և գերակա հանրային շահ չի եղել, գործ ենք ունենալու անդառնալի իրավիճակի հետ, և ՄԻԵԴ գանգատների տեսանկյունից մեծ հոսք է լինելու։  Ըստ Պետրոսյանի՝ ակնհայտ է, որ նման գործերը պետք է հրատապության կարգով քննվեն, և չի կարող այս գործին զուգահեռ իրականացվել օտարման գործընթաց։

 

Աշխատանքային իրավունքը՝ ուշադրության կենտրոնում

10.07.2024
Հունիսի 28-ին Իրավունքի զարգացման և պաշտպանության հիմնադրամի տնօրեն Գենյա Պետրոսյանը մասնակցել է «Արժանապատիվ աշխատանք հիմա՛» ծրագրի ամփոփիչ համաժողովին՝ ներկայացնելով աշխատանքային իրավունքի ոլորտում կատարված կարևոր փոփոխությունները և դեռևս առկա խնդիրները, որոնց լուծման ուղղությամբ կարիք կա աշխատելու։ Պետրոսյանը քաղաքացիական հասարակության և պետական մարմինների համագործակցությունը գնահատել է դրական՝ նշելով, որ մի շարք առաջարկություններ ընդունվել են հենց նախնական տարբերակից վերամշակված տարբերակ անցում կատարելու փուլում. այդ ընթացքում կային հետընթաց կարգավորումներ, որոնք վերացվեցին։

Ադրբեջանի գործողությունները եղել են համակարգված

02.07.2024
Հուլիսի 1-ին Ժողովրդավարության հայկական ֆորումի ընթացքում հրապարակվեց «Ինչո՞ւ Լեռնային Ղարաբաղում հայեր չկան» փաստահավաք զեկույցի ամփոփագիրը։ ԻԶՊՀ տնօրեն Գենյա Պետրոսյանն անդրադարձով Լեռնային Ղարաբաղի հայ բնակչության մարդու իրավունքների, մասնավորապես բավարար կենսամակարդակի իրավունքի խախտումներին։ Փաստահավաք առաքելությունը եզրակացնում է, որ այս բոլոր գործողությունները միտված էին Արցախի բնակչությանը կյանքի այնպիսի պայմանների պարտադրմանը, որոնք կդարձնեին անտանելի կամ ժամանակի ընթացքում կբերեին հայ բնակչության ոչնչացմանը:

Ֆիրդուսի թաղամասի տների գործով՝ վիճահարույց որոշումներ. ահազանգում են փաստաբանները

16.04.2024
Ապրիլի 11-ին Իրավունքի զարգացման և պաշտպանության հիմնադրամի իրավաբաններ Գենյա Պետրոսյանն ու Դավիթ Գյուրջյանը Ֆիրդուսի թաղամասի բնակիչ Ռուբեն Աթոյանի հետ մասնակցել են «Ֆիրդուսի թաղամասի տների գործով ՝ վիճահարույց որոշումներ. ահազանգում են փաստաբանները» խորագրով մամուլի ասուլիսին: Գենյա Պետրոսյանը և Դավիթ Գյուրջյանը Ֆիրդուսի թաղամասի բնակիչ Ռուբեն Աթոյանի և այլ բնակիչների ներկայացուցիչներն են դատական ատյաններում և իրավապահ մարմիններում։ Բանախոսներն անդրադարձել են Ֆիրդուսի թաղամասի տների օտարման խնդրահարույց կողմերին։

Պետությունը դեռ չի սպառել բոլոր միջոցները. ասուլիս ոչ մարտական պայմաններում զոհված զինծառայողների գործերի բացահայտման մասին

28.03.2024
ԻԶՊՀ իրավական հարցերով փորձագետ Դավիթ Գյուրջյանը Մեդիա կենտրոնում մասնակցել է «Ինչու՞չեն բացահայտվում խաղաղ պայմաններում մահացած զինծառայողների գործերը» թեմայով մամուլի ասուլիսին։ Հիշեցնենք, որ Դավիթ Գյուրջյանը եղել է վարչապետի որոշմամբ ստեղծված ոչ մարտական պայմաններում մահացած զինծառայողների մահվան դեպքերի առթիվ հարուցված քրեական գործերի ուսումնասիրության նպատակով ձևավորված աշխատանքային խմբի անդամ։ Ասուլիսի մյուս բանախոսներն էին խաղաղ պայմաններում զոհված զինծառայողների իրավահաջորդների ներկայացուցիչներ Արայիկ Պապիկյանը և Զարուհի Մեջլումյանը։

Քննարկում Կոնդի օտարման շուրջ

14.03.2024
Մարտի 14-ին Գենյա Պետրոսյանը իրավաբան Արսեն Թավադյանի և Կոնդ թաղամասի բնակիչ Նաիրա Երեմյանի հետ Մեդիա կենտրոնում մասնակցել է «Կոնդ․ որտե՞ղ է հանրային գերակա շահը» թեմայով քննարկմանը։ Պետրոսյանը զուգահեռներ է տարելի Ֆիրդուսի և Կոնդի դեպքերի միջև՝ մատնանշելով Ֆիրդուսի բնակիչների սեփականության օտարման գործընթացում տեղի ունեցած խախտումները

Թեմա/ռեմա #14. «Քաղաքականության փաստաթղթի մշակման ուղեցույց»

15.01.2024
Բուն TV-ի «Թեմա/ռեմա» հաղորդման եթերում Իրավունքի զարգացման և պաշտպանության հիմնադրամի տնօրեն Գենյա Պետրոսյանը, «Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյանը և փոդքասթի համահեղինակ ու վարող Սարինե Հայրիյանը զրուցել են քաղաքականության փաստաթղթերի դերի մասին հատկապես պետություն-քաղաքացիական հասարակություն համագործակցության համատեքստում։

Չարաշահումների ռիսկեր՝ «Պետական գաղտնիքի մասին» օրենքում. հարցազրույց Գենյա Պետրոսյանի հետ

18.01.2023
​​​​​​​Հունվարի 17-ին ՀՀ Ազգային ժողովն առաջին ընթերցմամբ ընդունեց Պետական գաղտնիքի մասին օրենքի նախագիծը։ ԻԶՊՀ-ն գործընկեր կազմակերպությունների հետ այս նախագծի շրջանառման տարբեր փուլերում բազմիցս անդրադարձել է դրա թերություններին և ներկայացրել առաջարկություններ։ Թեև որոշ էական փոփոխություններ ընդունվել են, սակայն բազմաթիվ խնդիրներ մնում են չլուծված։ Իրավունքի զարգացման և պաշտպանության հիմնադրամի տնօրեն Գենյա Պետրոսյանը «Ֆակտոր ԹՎ»-ի եթերում խոսել է օրենքի նախագծի խնդիրների  և դրանց լուծումների մասին։

Օրենսդրության թերի կարգավորումները կարող են հանգեցնել մարդու իրավունքների խախտումների.Գյուրջյան

28.12.2022
#ԻԶՊՀ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողովի ընթացքում հիմնադրամի իրավական հարցերով փորձագետ Դավիթ Գյուրջյանը խոսեց Մարդու իրավունքների եվրոպական կոնվենցիայի 8-րդ հոդվածի խախտման հիմքով Հայաստանի դեմ կայացված վճիռների, ինչպես նաև ՀՀ օրենսդրության խնդիրների մասին՝ ՄԻԵԴ սահմանած չափանիշների համատեքստում։

Կապի օպերատորները տեղյակ չեն լինում՝ դատական թույլտվություն տրված է, թե ոչ

09.12.2022
Իրավունքի զարգացման և պաշտպանության hիմնադրամի իրավական հարցերով փորձագետ Դավիթ Գյուրջյանը և «Թրանսփարենսի Ինթերնեշնլ հակակոռուպցիոն կենտրոն»-ի իրավական հարցերով փորձագետ Հայկ Մարտիրոսյանը Մեդիա կենտրոնում քննարկել են «Օպերատիվ հետախուզական գործունեության նկատմամբ վերահսկողությունն ու մարդու իրավունքները» թեման։

Ադրբեջանի ագրեսիան՝ ժողովրդավարության խոչընդոտ

06.10.2022
ԵԱՀԿ/ԺՀՄԻԳ Մարդկային չափման հարցերով համաժողովի ընթացքում ԻԶՊՀ տնօրեն Գենյա Պետրոսյանն անդրադարձել է ՀՀ դատաիրավական համակարգի խնդիրներին և ժողովրդավարական բարեփոխումներին, ինչպես նաև այն մարտահրավերներին, որոնց Հայաստանը բախվում է իր ինքնիշխան տարածքի վրա Ադրբեջանի հարձակումների պատճառով։