Ընտանիքում բռնության ենթարկվող անձի պաշտպանության միջոցների արդյունավետության բարձրացում

Իրավունքի զարգացման և պաշտպանության հիմնադրամը Ընտրական համակարգերիմիջազգային հաստատության (ԱՅ ԷՖ Ի ԷՍ (IFES))  հայաստանյան գրասենյակի հետ համատեղիրականացնում է Միացյալ Թագավորության (ՄԹ) կառավարության ՄԹ Միջազգային զարգացմանգրասենյակի ֆինանսական աջակցությամբ «Աջակցություն ժողովրդավարության կայացմանըՀայաստանում» (ԱԺԿՀ) ծրագրի հանրային ռեսուրսի չարաշահման վերահսկողությանն առնչվող բաղադրիչը։

Իրավունքի զարգացման և պաշտպանության հիմնադրամն իրականացնում է «Ընտանիքում բռնության ենթարկվող անձի պաշտպանության միջոցների արդյունավետության բարձրացում» ծրագիրը, որի նպատակն է բարձրացնել ընտանիքում բռնության ենթարկվող անձի պաշտպանության արդյունավետությունը՝ անհետաձգելի միջամտությանն առնչվող գործերով համակարգային խնդիրների վերհանման և լուծման միջոցով։

«Նպաստելով ընտանեկան բռնության վերաբերյալ օրենսդրության արդյունավետ իրագործմանը» ենթադրամաշնորհային ծրագրի շրջանակներում Իրավունքի զարգացման և պաշտպանության հիմնադրամը նպատակ ունի նպաստելու ընտանեկան բռնության և խտրականության բոլոր ձևերի կանխարգելման համակարգի բարելավմանը, ինչպես նաև ընտանեկան բռնության զոհերի աջակցությանը: Հիմնադրամը այս նպատակը կկարողանա իրագործել՝ աջակցելով օրենսդրական կարգավորումների վերանայման գործընթացին ընտանեկան բռնության կանխարգելման խորհրդի արդյունավետությունը և ընտանեկան բռնության ենթարկվածների ապաստարանների կողմից տրամադրվող ծառայությունների որակը բարձրացնելու համար։ 

Ծրագրի նպատակն է մշակել նորարարական կրթական գործիք՝ սեղանի խաղ, որի նպատակն է հանրամատչելի, պարզ և ժամանցային եղանակով բարձրացնել քաղաքացիների, այդ թվում՝ ավագ դպրոցի աշակերտների և ոչ մասնագիտական/իրավաբանական/ բուհերի ուսանողների իրավագիտակցությունը և քաղաքացիական գիտակցությունը, փոխանցել անհրաժեշտ նվազագույն ծավալի գիտելիքներ անձի իրավունքների և դրանց պաշտպանության մեխանիզմների, ինչպես նաև քաղաքացիական կյանքում ներագրավվելու ուղիների վերաբերյալ։

Ծրագրի նպատակն է կատարել ՔՀԿ միջավայրի բարելավմանն ուղղված հետազոտական և ջատագովական աշխատանք։ Այլ խոսքով՝ ծրագիրը նպատակ ունի հասնելու ՀԿ-ների՝ հանրային շահերը պաշտպանելու լիազորությունների ընդլայնման վերաբերյալ օրենսդրական փոփոխությունների։ Ծրագիրը վեր կհանի լավագույն միջազգային փորձն ու չափանիշները՝ ըստ այդմ հիմնավորելու և ջատագովելու հանրային շահերի պաշտպանության շրջանակի ընդլայնումը՝ համահունչ Հայաստանի միջազգային պարտավորություններին։

«Ինստիտուցիոնալ աջակցություն ԻԶՊՀ»-ին ծրագիրը սկսել է 2023 թ.-ի ապրիլի 1-ին՝ Ժողովրդավարության եվրոպական հիմնադրամի աջակցությամբ։ Նախաձեռնության նպատակն է ուժեղացնել քաղաքացիական հասարակության համայնքի վերահսկողական ջանքերը՝ իրավական փորձագիտության, ինչպես նաև դատական համակարգի բարեփոխումները ջատագովելու միջոցով։ Իրավունքի զարգացման և պաշտպանության հիմնադրամը ծրագրի շրջանակներում կշարունակի  իրավական-փորձագիտական կարծիքներ ներկայացնել տարբեր օրենսդրական նախագծերի վերաբերյալ և առաջ մղել դրանք՝ ուշադրություն կենտրոնում պահելով հատկապես մարդու իրավունքները, կառավարության հաշվետվողականությունը, ընտրությունները, դատական համակարգը, հակակոռուպցիոն միջոցները, տեղեկատվության ազատությունը և այլ հարակից ոլորտներ

«ՀՀ - ԵՄ միջև Համապարփակ և ընդլայնված գործընկերության համաձայնագրի կիրարկման մշտադիտարկում` քրեական և քրեական դատավարության օրենսդրության, ընտրական օրենսդրության բարեփոխումների, հավաքների ազատության, ԶԼՄ-ի, տեղեկատվության ու կարծիքի արտահայտման ազատության ոլորտներում» ծրագրի նպատակն է քրեական և քրեական դատավարության օրենսգրքերի, ինչպես նաև ընտրական օրենսդրության բարեփոխման, հավաքների ազատության, ԶԼՄ-ների, տեղեկատվության ու կարծիքի արտահայտման ազատության խթանումը` նշված համաձայնագրի կիրարկման մշտադիտարկման միջոցով:

Ծրագրի նպատակն է իրականացնել փաստահավաք առաքելություն Արցախի քաղաքացիական բնակավայրերի և խաղաղ բնակչության նկատմամբ իրականացվող թիրախային հարձակումների, մարդու իրավունքների և մարդասիրական միջազգային իրավունքի նորմերի խախտումների արձանագրման, վերլուծության, ինչպես նաև դրանց վերաբերյալ զեկույցների կազմման համար։

2020 թ․-ին ԻԶՊՀ-ն իրականացրեց տեղեկատվության ազատության խթանմանն ուղղված ծրագիրը՝ «Բաց հասարակության հիմնադրամներ-Հայաստան»-ի աջակցությամբ։

2021 թ․-ին Իրավունքի զարգացման և պաշտպանության հիմնադրամն իրականացրեց «Աշխատանքային իրավունքների պաշտպանությունը Հայաստանի Հանրապետությունում» ծրագիրը։