Սույն վերլուծությունն իրականացվել է ընտրական գործընթացներում վարչական ռեսուրսի չարաշահումը կարգավորող Հայաստանի Հանրապետության իրավական և ինստիտուցիոնալ դաշտը գնահատելու նպատակով: Այս ուսումնասիրությամբ վերլուծվել է նյութերի, կարգավորումների և իրավակիրառ պրակտիկայի լայն շրջանակ՝ ներառելով նաև համապատասխան շահագրգիռ կողմերի հետ խորհրդակցությունների արդյունքները: Վերլուծությամբ գնահատվել է ընտրությունների ժամանակ վարչական ռեսուրսի օգտագործմանն առնչվող ներպետական օրենսդրությունը՝ միջազգային չափանիշների և լավագույն համեմատական փորձի լույսի ներքո: Ուսումնասիրվել են նաև եվրոպական երկրների օրենսդրական կարգավորումները վարչական ռեսուրսի չարաշահման բնագավառում, ինչը կարևոր նշանակություն է ունեցել առավել արդյունավետ առաջարկությունների մշակման համար:
Սույն վերլուծությունն իրականացրել է «Իրավունքի զարգացման և պաշտպանության հիմնադրամը» Միացյալ Թագավորության (ՄԹ) կառավարության՝ ՄԹ Միջազգային զարգացման աջակցության շրջանակներում ֆինանսավորվող և ԱՅ ԷՖ Ի ԷՍ-ի կողմից իրականացվող«Աջակցություն ժողովրդավարության կայացմանը Հայաստանում» (ԱԺԿՀ) ծրագրի միջոցով։
