Նա կարևորել է հատկապես դատական իշխանության իրական բարեփոխումը․ «Իշխանություններն առաջնահերթ պետք է հետամուտ լինեն դատական համակարգի ոչ հատվածական՝ հիմնովին բարեփոխմանը, քանի որ որևէ ժողովրդավարական պետությունում ամենակարևորը դատական իշխանության կայացած լինելն է․ ցանկացած վեճ լուծվում է դատարանում»։Զրույթի ընթացքում Դավիթ Գյուրջյանը շեշտադրել է դատական իշխանության իրական բարեփոխման անհրաժեշտությունը․ «Իշխանություններն առաջնահերթ պետք է հետամուտ լինեն դատական համակարգի ոչ հատվածական՝ հիմնովին բարեփոխմանը, քանի որ որևէ ժողովրդավարական պետությունում ամենակարևորը դատական իշխանության կայացած լինելն է․ ցանկացած վեճ լուծվում է դատարանում»։
Անդրադառնալով դատական համակարգի օրակարգային հարցերին՝ Դավիթ Գյուրջյանն ասել է․«Ես չեմ կարող միայն քննադատել՝ ասելով, որ ոչինչ չի արվում, սակայն միևնույն ժամանակ այն, ինչ արվում է, երկարաժամկետ կտրվածքով խնդրի լուծում չեն տալու»։ Չնայած 2019 թ․-ին Կառավարությունն ինքը վեթինգի հարցը դարձրեց օրակարգային, սակայն հետագայում այդպես էլ չիրականացրեց այն։ « Ես կարծում եմ, որ եթե ուզում ենք ունենալ անկախ և կայացած դատական համակարգ, պետք է ընտրենք այն ուղին, որով համապարփակ մաքրազտում կարվի»։
Գյուրջյանը մտահոգիչ է համարել այն, որ թե՛ Էթիկայի և կարգապահական հանձնաժողովի, թե՛ Արդարադատության նախարարության՝ կարգապահական վարույթ հարուցելու փուլը գաղտնի է․ դա կարող է օբյեկտիվության նկատմամբ կասկածներ առաջացնել։ «Լուծումը կլինի այն, որ բոլորն անցնեն նույն ստուգումները, և, ըստ այդմ, կա՛մ մնան համակարգում, կա՛մ դուրս մնան»,-ասել է փաստաբանը։
