Թեմա/ռեմա #14. «Քաղաքականության փաստաթղթի մշակման ուղեցույց»

15.01.2024

Բուն TV-ի «Թեմա/ռեմա» հաղորդման եթերում Իրավունքի զարգացման և պաշտպանության հիմնադրամի տնօրեն Գենյա Պետրոսյանը, «Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյանը և փոդքաստի համահեղինակ ու վարող Սարինե Հայրիյանը զրուցել են քաղաքականության փաստաթղթերի դերի մասին հատկապես պետություն-քաղաքացիական հասարակություն համագործակցության համատեքստում։ Զրույցի առիթը Եվրասիա համագործակցություն հիմնադրամի հրատարակած «Քաղաքականության փաստաթղթի մշակման ուղեցույց»-ն է (հեղինակ՝ իրավաբանական գիտությունների թեկնածու՝ Արմեն Գրիգորյան)։

Զրույցի ընթացքում արծարծվում են հետևյալ հարցերը՝

  • Որքանո՞վ է հայաստանյան հասարակությունը ներգրավված հանրային քաղաքականությունների մշակման գործում։
  • Ի՞նչ գործիքակազմով է կառուցվում պետություն-քաղհասարակություն երկխոսությունը։
  • Ինչպե՞ս է ստեղծվում քաղաքականության փաստաթուղթը և ինչպե՞ս է հասնում որոշում կայացնողներին։
  • Ջատագովության ինչպիսի՞ փորձ ունեն ՔՀԿ-ները Հայաստանում։

 Զրույցի ընթացքում Պետրոսյանը շեշտել է պետության համար փաստահեն վերլուծության կարևորությունը. «Որքան այս վերլուծությունը հիմնված է նման փաստահեն ուսումնասիրության վրա, այնքան իսկապես փաստաթուղթը արդյունավետ է դառնում և ծառայում է որպես որոշումների կայացման գործիք»։ 

Անդրադառնալով քաղաքականությունների մշակմանը և քաղաքացիական հասարակության ներգրավվածությանը՝ Գենյա Պետրոսյանը նշել է. «Վերջին տարիներին նկատում ենք, որ կա միտում քաղաքացիական հասարակությանը ներգրավելու տարբեր ռազմավարությունների մշակման գործընթացում, նաև պետությունը զգում է այս փաստահեն վերլուծությունների կարիքը, ինչը տեսնում ենք տարբեր ռազմավարություններում և օրենսդրական նախագծերում, որոնցում հղում է արվում նման հետազոտությունների»։ 

Այնուամենայնիվ, ըստ Պետրոսյանի, մասնակցության արդյունավետությունը տարբերվում է ոլորտից ոլորտ՝ կախված մոտեցումների կառուցողականությունից։ Այսպես, օրինակ, եթե պետական գաղտնիքի օրենսդրության փոփոխության առաջարկները մեծ հաջողություն չեն գրանցել,    որոշակի հաջող փորձ կա դատավորների նկատմամամբ կարգապահական վարույթների թափանցիկությանը միտված ջատագովության գործընթացում։ 

Համապատասխան քաղաքականության փաստաթղթում  ԻԶՊՀ-ն վեր էր հանել դատավորների նկատմամբ կարգապահական վարույթների խնդիրները. դատավորների նկատմամբ կարգապահական վարույթի հարուցման փուլը գաղտնի է, էթիկայի և կարգապահական հարցերի հանձնաժողովում նիստերը դռնփակ են, չկա որևէ հանրային վերահսկողության գործիք, որոշումները չեն հրապարակվում և երբևէ չենք իմանում, թե ինչու մի դատավորի նկատմամբ հարուցվեց կարգապահական վարույթ, մյուսի նկատմամբ՝ ոչ։ 

Խոսելով աշխատանքի ընթացքի մասին՝ Գենյա Պետրոսյանը պատմում է, որ արդյունքում գտան լուծում, որի դեպքում որոշումը հրապարակվում է, սակայն դատավորի անձնական տվյալները չեն հրապարակվում։  

Այժմ արդեն այս վերջին առաջարկը իրականացվում է, և կա համապատասխան օրենսդրական առաջարկ. «Այս վերջին Դատաիրավական բարեփոխումների ռազմավարությունը առհասարակ չէր պարունակում որևէ դրույթ դատավորների նկատմամբ կարգապահական վարույթների, պատասխանատվության հետ կապված գործողությունների մասով։ Եվ մենք առաջարկեցինք խնդիրը հասցեագրել  կա'մ ոչ դատավոր անդամների ավելացման,և/կա'մ որոշումների հրապարակման միջոցով։ Այս պահին արդեն կա օրենսդրական նախագիծ, որով թիվը ավելացվում է՝ էթիկայի հանձնաժողովը կազմված կլինի 11 անդամներից՝ 6` դատավոր, 5`  ոչ դատավոր։ Այնուամենայնիվ, այստեղ էլ չպետք է կանգ առնենք և հասնենք նրան, որ կարգահական վարույթ չհարուցելու մասին որոշումները հրապարակվեն՝ առանց անձնական տվյալների»։

ԻԶՊՀ քաղաքականության փաստաթղթերը հասանելի են այստեղ՝ https://ldpf.am/qakhaqakanutyan-pastatkhter

Ուղեցույցի առցանց տարբերակը տեսեք այստեղ՝ https://epfarmenia.am/hy/documents/gu...

Շարքի մյուս թողարկումները կարող եք դիտել այստեղ՝ https://bitly.ws/XNWH

Սկզբնաղբյուրը՝ Բուն TV

 

Ֆիրդուսի թաղամասի տների գործով՝ վիճահարույց որոշումներ. ահազանգում են փաստաբանները

16.04.2024
Ապրիլի 11-ին Իրավունքի զարգացման և պաշտպանության հիմնադրամի իրավաբաններ Գենյա Պետրոսյանն ու Դավիթ Գյուրջյանը Ֆիրդուսի թաղամասի բնակիչ Ռուբեն Աթոյանի հետ մասնակցել են «Ֆիրդուսի թաղամասի տների գործով ՝ վիճահարույց որոշումներ. ահազանգում են փաստաբանները» խորագրով մամուլի ասուլիսին: Գենյա Պետրոսյանը և Դավիթ Գյուրջյանը Ֆիրդուսի թաղամասի բնակիչ Ռուբեն Աթոյանի և այլ բնակիչների ներկայացուցիչներն են դատական ատյաններում և իրավապահ մարմիններում։ Բանախոսներն անդրադարձել են Ֆիրդուսի թաղամասի տների օտարման խնդրահարույց կողմերին։

Պետությունը դեռ չի սպառել բոլոր միջոցները. ասուլիս ոչ մարտական պայմաններում զոհված զինծառայողների գործերի բացահայտման մասին

28.03.2024
ԻԶՊՀ իրավական հարցերով փորձագետ Դավիթ Գյուրջյանը Մեդիա կենտրոնում մասնակցել է «Ինչու՞չեն բացահայտվում խաղաղ պայմաններում մահացած զինծառայողների գործերը» թեմայով մամուլի ասուլիսին։ Հիշեցնենք, որ Դավիթ Գյուրջյանը եղել է վարչապետի որոշմամբ ստեղծված ոչ մարտական պայմաններում մահացած զինծառայողների մահվան դեպքերի առթիվ հարուցված քրեական գործերի ուսումնասիրության նպատակով ձևավորված աշխատանքային խմբի անդամ։ Ասուլիսի մյուս բանախոսներն էին խաղաղ պայմաններում զոհված զինծառայողների իրավահաջորդների ներկայացուցիչներ Արայիկ Պապիկյանը և Զարուհի Մեջլումյանը։

Թեմա/ռեմա #14. «Քաղաքականության փաստաթղթի մշակման ուղեցույց»

15.01.2024
Բուն TV-ի «Թեմա/ռեմա» հաղորդման եթերում Իրավունքի զարգացման և պաշտպանության հիմնադրամի տնօրեն Գենյա Պետրոսյանը, «Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյանը և փոդքասթի համահեղինակ ու վարող Սարինե Հայրիյանը զրուցել են քաղաքականության փաստաթղթերի դերի մասին հատկապես պետություն-քաղաքացիական հասարակություն համագործակցության համատեքստում։

Չարաշահումների ռիսկեր՝ «Պետական գաղտնիքի մասին» օրենքում. հարցազրույց Գենյա Պետրոսյանի հետ

18.01.2023
​​​​​​​Հունվարի 17-ին ՀՀ Ազգային ժողովն առաջին ընթերցմամբ ընդունեց Պետական գաղտնիքի մասին օրենքի նախագիծը։ ԻԶՊՀ-ն գործընկեր կազմակերպությունների հետ այս նախագծի շրջանառման տարբեր փուլերում բազմիցս անդրադարձել է դրա թերություններին և ներկայացրել առաջարկություններ։ Թեև որոշ էական փոփոխություններ ընդունվել են, սակայն բազմաթիվ խնդիրներ մնում են չլուծված։ Իրավունքի զարգացման և պաշտպանության հիմնադրամի տնօրեն Գենյա Պետրոսյանը «Ֆակտոր ԹՎ»-ի եթերում խոսել է օրենքի նախագծի խնդիրների  և դրանց լուծումների մասին։

Օրենսդրության թերի կարգավորումները կարող են հանգեցնել մարդու իրավունքների խախտումների.Գյուրջյան

28.12.2022
#ԻԶՊՀ «Գաղտնի հսկողության միջոցներ․ ՄԻԵԴ չափանիշներ և միջազգային լավագույն փորձ, ՀՀ օրենսդրության խնդիրներ» խորագրով աշխատաժողովի ընթացքում հիմնադրամի իրավական հարցերով փորձագետ Դավիթ Գյուրջյանը խոսեց Մարդու իրավունքների եվրոպական կոնվենցիայի 8-րդ հոդվածի խախտման հիմքով Հայաստանի դեմ կայացված վճիռների, ինչպես նաև ՀՀ օրենսդրության խնդիրների մասին՝ ՄԻԵԴ սահմանած չափանիշների համատեքստում։

Կապի օպերատորները տեղյակ չեն լինում՝ դատական թույլտվություն տրված է, թե ոչ

09.12.2022
Իրավունքի զարգացման և պաշտպանության hիմնադրամի իրավական հարցերով փորձագետ Դավիթ Գյուրջյանը և «Թրանսփարենսի Ինթերնեշնլ հակակոռուպցիոն կենտրոն»-ի իրավական հարցերով փորձագետ Հայկ Մարտիրոսյանը Մեդիա կենտրոնում քննարկել են «Օպերատիվ հետախուզական գործունեության նկատմամբ վերահսկողությունն ու մարդու իրավունքները» թեման։

Ադրբեջանի ագրեսիան՝ ժողովրդավարության խոչընդոտ

06.10.2022
ԵԱՀԿ/ԺՀՄԻԳ Մարդկային չափման հարցերով համաժողովի ընթացքում ԻԶՊՀ տնօրեն Գենյա Պետրոսյանն անդրադարձել է ՀՀ դատաիրավական համակարգի խնդիրներին և ժողովրդավարական բարեփոխումներին, ինչպես նաև այն մարտահրավերներին, որոնց Հայաստանը բախվում է իր ինքնիշխան տարածքի վրա Ադրբեջանի հարձակումների պատճառով։

Անհրաժեշտ են մանրամասն կարգավորումներ՝ զենքի կիրառման համաչափության համար․ քննարկում Հակակոռուպցիոն կոմիտեի նոր լիազորությունների մասին

09.09.2022
Սեպտեմբերի 9-ին Մեդիա կենտրոնում տեղի է ունեցել «Զենքի, ֆիզիկական ուժի, հատուկ միջոցների կիրառման թույլտվություն՝ Հակակոռուպցիոն կոմիտեին» քննարկումը, որին որպես բանախոս մասնակցել է ԻԶՊՀ իրավական հարցերով փորձագետը Դավիթ Գյուրջյանը։

Հակակոռուպցիոն դատարաններ․ բանավեճ Լուրերի եթերում

20.04.2022
Լուրերի եթերում «Տարբեր կարծիքներ Աննա Դանիելյանի հետ» հաղորդման շրջանակներում ԻԶՊՀ ներկայացուցիչ Դավիթ Գյուրջյանը մասնակցել է հակակոռուպցիոն դատարանների թեմայով բանավեճ-քննարկմանը։

«Հայաստանի ժողովրդավար ուղին չունի այլընտրանք»․ քննարկում

14.03.2022
1in.am-ի եթերում Դավիթ Գյուրջյանը մասնակցել է Հայաստանի ժողովրդավարական զարգացման մասին քննարկմանը։