Դավիթ Գյուրջյանը նշել է, որ մի շարք հոդվածներում փոփոխություն կատարվեց պատասխանատվության խստացման առումով, բայց հնարավոր չէ պնդել, որ դրանք առավել հանրային վտանգավորություն ունեցող արարքներն են։ «Կան ավելի վտանգավոր արարքներ, որոնց համար փոփոխություն չի արվել։ Սրանք այն հանցագործություններն են, որոնց համար նախկինում պատասխանատվության ավելի ցածր շեմ էր նախատեսված, ինչով պայմանավորված, շատ դեպքերում արդյունավետ միջոցառումներ հնարավոր չէր իրականացնել դրանց բացահայտման ուղղությամբ։
Որպես օրինակ՝ Գյուրջյանը հիշատակել է բարեգործության արգելքը, նախընտրական քարոզչությանը մասնակցելուն կամ մասնակցելուն հարկադրելուն հրաժարվելը, ցանկացած կերպով հավաքները խոչընդոտելը, նյութապես շահագրգելը։
Իրավաբանը կարևորել է օրենքի արդյունավետ կիրառումը․ «Եթե իրավապահ մարմինների աշխատանքը արդյունավետ չեղավ, միայն պատժի առկայությունը չի կանխելու որևէ հանցագործություն»։